Աբխազիայի տարածքով երկաթգծային ճանապարհի բացումը հիմա չի քննարկվում, բայց քննարկվում են ուրիշ այլընտրանքներ։ Այս մասին մարտի 1-ին ԱԺ-ում Կառավարական ժամին ասել է վարչապետ Կարեն Կարապետյանը՝ պատասխանելով ՀՀԿ պատգամավոր Շիրակ Թորոսյանի հարցին։

Մեկնաբանելով Թբիլիսի կատարած այցն ու հանդիպումները վրացի գործընկեր Գեորգի Կվիրիկաշվիլու հետ, Կարապետյանը նշել է, որ Աբխազիայի տարածքով երկաթգծային ճանապարհի բացումը բանակցություններին չի քննարկվել։ Բայց քննարկվել են ուրիշ հնարավոր երթուղիներ։ «Հավանական եմ համարում, որ լուծում կգտնվի՞։ Այո, մենք բանակցությունների փուլում ենք»,- հայտնել է Կարապետյանը։