Հայոց ցեղասպանության 102-րդ տարելիցի կապակցությամբ Հարավային Քալիֆորնիայի հայ համայնքն ապրիլի 23-ին կհավաքվի Մոնթեբելոյում՝ Հայոց ցեղասպանության զոհերի հիշատակին նվիրված հուշարձանի մոտ:
Միջոցառումն ավանդաբար անցկացվել է ապրիլի 24-ին, բայց այս տարի տեղի կունենա ապրիլի 23-ին, քանի որ մեկ օր անց կանցկացվի Արդարության երթը: Ցուցարարները կանցնեն Լոս Անջելեսի փողոցներով՝ դեպի Թուրքիայի հյուպատոսություն, հաղորդում է Asbarez-ը:
Մոնտենեբլոյի հուշահամալիրի մոտ կհնչեն քաղաքական ուղերձներ, կկատարվի հոգեհանգստի կարգ:
Միջոցառման կազմակերպիչը Լոս Անջելեսի միավորված հայկական խորհուրդն է, որը 45 հայկական կազմակերպություն է ներառում: