«Ելք» դաշինքի քարոզարշավի ժամանակ այսօր՝ մարտի 18-ին Երեւանում, փոքրիկ միջադեպ է տեղի ունեցել Կասկադում։
Դաշինքի ներկայացուցիչները փորձել են քարոզարշավն իրականացնել Կասկադ պուրակում, սակայն տարածքի անվտանգության աշխատակիցներն արգելել են՝ պատճառաբանելով, որ այնտեղ թանգարան է եւ արգելված է այդ տարածքում քարոզարշավ իրականացնել։
«Ելք» դաշինքի անդամ, պատգամավոր Նիկոլ Փաշինյանը բանավեճի չբռնվեց նրանց հետ։
Նրանք տարածքը շրջանցեցին եւ շենքերի բակում իրականացրեցին քարոզարշավը, որից հետո անարգել շարունակեցին Կասկադի տարածքում։
Այս պահին «Ելք»-ի անդամները շարունակում են քարոզարշավը Բաղրամյան պողոտայում։