ԱՄՆ նախագահ Դոնալդ Թրամփը կտրուկ քննադատել է ԿԺԴՀ առաջնորդ Կիմ Չեն Ընի գործողությունները, հաղորդում է Fox News-ը։

«Նա իրեն շատ, շատ վատ է պահում, ասեմ ձեզ», - հայտարարել է ԱՄՆ առաջնորդը Ֆլորիդայում լրագրողների հետ հանդիպման ժամանակ, որտեղ անցկացրել է իր հանգստյան օրերը։

Թրամփը նաեւ ասել է, որ հանդիպումներ է անցկացրել Հյուսիսային Կորեայի հարցով, սակայն չի ասել, թե կնոկրետ ինչ է քննարկել։

Շաբաթ օրը Կիմ Չեն Ընը հայտարարել է ԿԺԴՀ-ում  հրթիռային արդյունաբերության «նոր ծնունդի» մասին՝ բարձր ձգման հրթիռային շարժիչի փորձարկումից հետո։