2006-ին զինված կողոպուտ իրականացրած երեք պրոֆեսիոնալ գողեր, որոնք անցյալ տարի մեկ այլ հանցագործության համար հայտնվել են բանտում, իշխանություններին նամակ են գրել, որտեղ խոստովանել են կատարած կողոպուտը, որովհետեւ բանտում հանդիպել են այդ կողոպուտի համար դատապարտված անմեղ մարդուն, հաղորդում է «ՌԻԱ Նովոստի»-ն։
Նամակը ստանալուց հետո հետաքննություն է սկսվել, որը հաստատել է նամակում գրված փաստերը։ Թայլանդի արդարադատության նախարարությունը սկսել է անմեղ դատապարտյալին ազատ արձակելու գործընթացը։
2006-ին ձերբակալված Թայլանդի 48-ամյա քաղաքացին՝ մասնավոր տուն կողոպտելու եւ ավտոմեքենա գողանալու կասկածանքով, ամբողջ դատական գործընթացի ժամանակ պնդում էր, որ անմեղ է։ Առաջին կայանի դատարանը նրան դատապարտեց 21 տարվա ազատազրկման, իսկ գերագույն դատարանը հաստատեց այդ դատավճիռը