«Ծառուկյան» դաշինքի առաջնորդ Գագիկ Ծառուկյանը չի բացառում, որ խորհրդարանական ընտրություններից հետո կոալիցիա կկազմի:
Այսօր՝ մարտի 22-ին, լրագրողների հետ զրույցում Ծառուկյանը նշել է, որ որեւէ սահմանափակում չկա, ինքը կոալիցիա կկազմի այն ուժի հետ, որը կհամաձայնի իր դաշինքի ներկայացրած 15 կետերը կյանքի կոչել:
«Ամենակարեւորը եթե Ծառուկյանը կարողանա իր ժողովրդի խոստումը կատարի, Հանրապետականը չլինի, մեկ ուրիշը լինի, կարեւորը, որ 15 կետերը համաձայնի անենք, եթե չհամաձայնի, չենք մտնի: Կամ եթե մեկն ուզի մեզ միանալ, մեր 15 կետերին համաձայն լինեն, կմիանանք իրենց»,- ասել է Ծառուկյանը:
Հարցին, թե ով է իրենց վարչապետի թեկնածուն, դաշինքի առաջնորդը նշել է, որ հնարավոր է՝ նաեւ ինքը լինի:
«Ես պաշտոնի կարիք չունեմ, եթե նորմալ մարդ տեսանք, կանի, եթե չի անի, ես կանեմ արդեն, համապատասխան կարգ ու կանոն կստեղծենք: Ես պաշտոնի չեմ գնում, այլ իմ նպատակն է պայման ստեղծել ժողովրդի համար»,- ասել է նա:
