Հարավային Սուդանում մարդասիրական եւ քաղաքական ճգնաժամի հետեւանքով 2 միլիոն բնակիչ դարձել է ներքին տեղահանված, ավելի քան մեկուկես միլիոնը՝ փախել այլ երկրներ: Հարյուր հազարավոր մարդիկ սովի են մատնված, միլիոնավոր բնակիչներ պարենամթերքի սուր պակաս են զգում: Այս տվյալները ներկայացրել է ՄԱԿ-ի գլխավոր քարտուղար Անտոնիո Գուտերեշը՝ ելույթ ունենալով Անվտանգության խորհրդում:
Նրա խոսքով՝ աշխարհի ամենաերիտասարդ երկրի կառավարությունը մինչ այժմ բռնությանը վերջ դնելու ձգտում չի ցուցաբերել:
«Ընդհակառակը, ավելի հաճախ մենք լսում ենք գործողությունների ժխտման մասին: Այդ երկրի իշխանությունները հրաժարվում են ընդունել ճգնաժամի գոյությունը եւ համապատասխան միջոցներ ձեռք առել»,- նշել է նա:
ԱԽ-ի անդամները հավանության են արժանացրել անհապաղ հրադադարի մշտական ռեժիմ սահմանելու մասին հայտարարության տեքստը:
