«Ծառուկյան» դաշինքի ներկայացուցիչ Արարատ Զուրաբյանը (ՀՀՇ) կարծում է, որ Հայաստանը ԵՏՄ-ի եւ ԵՄ-ի հետ հարաբերությունների հարցում պրագմատիկ մոտեցման կարիք ունի:
Ելույթ ունենալով մյուս քաղաքական ուժերի ներկայացուցիչների մասնակցությամբ բանավեճում՝ Զուրաբյանը հիշեցրեց, որ ինքն անձամբ հանդես է գալիս եվրաինտեգրման օգտին, որը, նրա կարծիքով, երկրի զարգացման անկյունաքարն է: Հերթական անգամ իշխանություններին քննադատելով ԵՏՄ-ին անդամակցելու համար, ինչը հանգեցրեց Ասոցմացման համաձայնագիրը ստորագրելու ԵՄ-ի հրաժարվելուն, Զուրաբյանն, այնուամենայնիվ, արձանագրեց, որ Հայաստանը եզակի վիճակում է, եւ համեմատեց Ուկրաինայի հետ՝ նշելով, որ փխրուն Հայաստանի համար դա կործանարար կլիներ: Իսկ ԵՄ-ի հետ Համաձայնագրի նախաստորագրման փաստը Զուրաբյանը ողջունելու արժանի համարեց: «Մենք գիտենք, թե Ռուսաստանի հետ հարաբերությունների վատթարացումը ինչով է հղի: Մենք գիտենք, թե դրա համար ինչ գին է հնարավոր վճարել: Համաձայնագրի նախաստորագրումը նշանակում է, որ Հայաստանին ԵՄ-ի հետ հարաբերությունները խորացնելու հնարավորություն են տվել: Եվ ես համոզված եմ, որ եթե Երեւանի «ԵրԱԶ» գործարանը սկսի «Մերսեդես»-ներ թողարկել, ապա այն Եվրոպայում կիրացվի»,- հայտարարեց Զուրաբյանը:
Ինչ վերաբերում է ԵՏՄ-ի եւ ԵՄ-ի հակասություններին, ապա քաղաքական գործիչը կարծում է, որ հնարավոր է՝ որոշ ժամանակ անց կողմերը ընդհանուր լեզու գտնեն: Դրա հետ մեկտեղ, Զուրաբյանը նշեց, որ «Ծառուկյան» դաշինքը հանդես է գալիս ԵՏՄ-ի հետ հարաբերությունների զարգացման օգտին եւ խորացված համագործակցության կողմնակիցն է: «Մենք ավելի պրագմատիկ մոտեցման կարիք ունենք: Մեք ճիշտ ուղով ենք ընթանում»,- կարծում է Արարատ Զուրաբյանը:
