Բրազիլիայից փչացած մսի արտահանման սկանդալի ֆոնին Եվրամիությունը դադարեցրել է բրազիլական ընկերություններից մսամթերքի ներկրումը: DW-ի փոխանցմամբ՝ այս մասին հայտարարել է ԵՄ գործող նախագահ Ջոզեֆ Մուսկատը:
Նա Բրազիլիային կոչ է արել արդյունավետ միջոցներ ձեռնարկել՝ հետագայում նման խախտումներ թույլ չտալու համար: Մուսկատը նաեւ հաղորդել է, որ ԵՄ-ն խստացնելու է սանիտարական վերահսկողությունը եւ բրազիլական մսի ներկրման միասնական դիրքորոշում է համաձայնեցնելու:
Սահմանված արգելքը վերաբերում է բրազիլական մսամթերքին, որն արդեն Եվրոպայի ճանապարհին է: Տեղ հասնելուց հետո այն նորից Բրազիլիա կուղարկեն:
Արգելքը կառնչվի բրազիլական 21 ընկերություններին, որոնք սկանդալի մասնակից են: Արտադրողներին կասկածում են երշիկներում եւ նրբերշիկներում արգելված հավելանյութեր ավելացնելու մեջ, որոնք արհեստականորեն ավելացնում են մսի քաշը: