«Ազատ դեմոկրատներ» կուսակցության ղեկավար Խաչատուր Քոքոբելյանն այսօր՝ մարտի 26-ին, Սյունիքում ընտրողների հետ հանդիպմանը կոչ է արել ապրիլի 2-ին «ոչ» ասել այսօրվա իշխանություններին եւ հանուն լավ ապագայի քվերակել «Ազատ դեմոկրատների» օգտին: Նա նշել է՝ իրենց կուսակցությունն ամեն ինչ անելու է կենսաթոշակներն ու աշխատավարձը բարձրացնելու համար:
«Առանց վարանելու պետք է ասել ոչ այսօրվա իշխանավորին, որովհետեւ իրենց վարած քաղաքականության պատճառով պետությունը հասցրել են այս վիճակին: Այլ երկրների պատգամավորների, քաղաքական գործիչների հետ խոսելիս ես նույնիսկ ամաչում եմ ասել, թե ինչքան է մեր կենսաթոշակը, մեր ուսուցչի, բժշկի աշխատավարձը: Մենք մեր ծրագրով, ի տարբերություն մյուս ուժերի՝ ասում ենք, որ նվազագունը 73 հազար դրամ կենսաթոշակ է լինելու, նվազագույնը 111 հազար աշխատավարձ է լինելու, ասում ենք, որ 140 հազար աշխատատեղ ենք ստեղծելու»,-ասել է նա:
