Որոշ քաղաքական ուժեր, որոնք հասկացել են, որ իրենց համար ելք չկա՝ անցել են «Ծառուկյան» դաշինքը վարկաբեկելուն: Այս մասին այսօր՝ մարտի 27-ին, Գառնիում ընտրողների հետ հանդիպման ժամանակ ասել է «Ծառուկյան» դաշինքի ներկայացուցիչ, ԱԺ ԲՀԿ խմբակցության պատգամավոր Նաիրա Զոհրաբյանը:
«Ժողովուրդը միամիտ չէ, ժողովուրդը բոլորին գիտի, բոլորի կենսագրությունը գիտի, թե ով ինչի վրայով անցնելով եկավ իշխանության, ով ինչպես է իշխանությունից ստանում իր նպաստը եւ սկսում ծառայել այս իշխանությանը: Հիմա նույն Արամ Զավենի Սարգսյանը, երեկ քննադատում է «Ծառուկյան» դաշինքին եւ Ծառուկյանին՝ ասելով՝ ժողովուրդ, մեր երկրում առանց իշխանության թույլտվության կաթի մթերման կետեր հնարավոր չէ ունենալ: Հիմա հարցնում եմ՝ պարոն Սարգսյան, որ Արարատում կրի գործարան ունեք, էդ իշխանության հետ համաձայնեցված է, չէ՞»,-ասել է նա:
Ավելի վաղ տեղեկացրել էինք, որ Վանաձորում «Ելք» դաշինքի ներկայացուցիչ Արամ Զավենի Սարգսյանն ընտրողների հետ հանդիպման ժամանակ «Ծառուկյան» դաշինքն անվանել էր Հանրապետական 2-րդ կուսակցություն եւ նշել. «Գագիկ Ծառուկյանը ֆոկուսչիկ է, դրա համար էլ առանց իշխնությունների հետ կապ ունենալու կարողացել է ունենալ կազինո եւ բիզնեսներ»: