Կանադայի լիբերալ կառավարությունը մտադիր է օրենսդրորեն թույլ տալ մարիխուանայի օգտագործումը մինչ 2018-ի հուլիսի 1-ը, հաղորդում է CBC հեռուստաալիքը։

Այդ տվյալներով՝ համապատասխան օրինագիծը կարող է ընդունվել ազգային խորհրդարանի կողմից 2017-ի ապրիլի 10-ին։ Ենթադրվում է, որ Կանադայում մարիխուանայի օգտագործումը կթույլատրվի 18 տարեկանից։ Դաշնային իշխանությունները պատասխանատու կլինեն թմրանյութի մատակարարման համար, ինչպես նաեւ դրա իրացման արտոնագիր կհատկացնեն։

Մարիխուանայի արժեքն ու տարածման միջոցները կսահմանեն շրջանային իշխանությունները։