Ինդոնեզիայում հսկայական՝ յոթ մետրանոց պիթոնը կուլ է տվել մի տղամարդու։ Mirror-ի փոխանցմամբ 25-ամյա Ակբար Սալուբիրոն, երկրի արեւմտյան գյուղերից մեկի բնակիչը, անհետացել էր մի քանի օր առաջ։ Ակբարը աշխատում էր արմավենու յուղի արտադրության ագարակներից մեկում։ Սակայն աշխատանքից հետո նա անհետացել էր։ Ավելի ուշ համագյուղացիները նրա տան հետեւի բակում մի հսկայական օձ էին հայտնաբերել։ Կտրելով կենդանու փորը՝ նրանք այնտեղ հայտնաբերել են իրենց ընկերոջ մարմինը։