Մեքսիկական Նուեւո Լեոն նահանգի Կադերեյտա քաղաքի բանտում խռովության հետեւանքով 2 մարդ է զոհվել, 13 վիրավոր կա: Այս մասին գրում է ՌԻԱ Նովոստին:
Ավելի վաղ հաղորդվել է մեկ զոհի եւ երկու տուժածի մասին: Սա վերջին երկու օրվա ընթացքում երկրորդ խռովությունն է այս բանտում: Երկուշաբթի տեղի ունեցած միջադեպի հետեւանքով էլ 7 մարդ է զոհվել:
Բանտարկյալներն այրել են ներքնակները, համապատասխան բաժանմունքից վերցրել հոգեկան խնդիրներ ունեցող բանտարկյալների համար նախատեսված դեղերը: Արդյունքում բանտարկյալներից մեկը մահացել է այրվածքների, մյուսը՝ թունավորվել է դեղերից: