Ամերիկայի հայկական համագումարն աջակցել է Հայաստանում խորհրդարանական ընտրությունների արդյունքների մասին ԵԱՀԿ/ԺՄԻԳ նախնական զեկույցը։
Համագումարը շնորհավորում է Հայաստանի ժողովրդին՝ ընտրական գործընթացի կայացման ու ավելի քան 60 տոկոս մասնակցության կապակցությամբ։
«Հայաստանում ընտրական գործընթացը կտրուկ տարբերվում է հարեւանների ընտրական գործընթացներից։ Օրինակ Ադրբեջանում ավտորիտար նախագահը վերջերս իր կնոջը փոխնախագահ է նշանակել ու հետապնդում է բոլոր ընդդիմադիր ուժերին։ Թուրքիայում Էրդողանի ավտորիտար ռեժիմը շարունակում է հետապնդել ընդդիմության առաջնորդներին ու բանտերում պահել լրագրողներին։ Հայաստանը նաեւ շահավետորեն տարբերվում է մյուս հետխորհրդային երկրներից։ Որքան շատ է Հայաստանը առաջ շարժվում ժողովրդավարական կառույցների զարգացման գործում, այդքան համառորեն ենք մենք կոչ անում կառավարությանը զբաղվել նշված խախտումների քննարկումով, այդ թվում այն հարցերի, որոնք կապված են ընտրակաշառքի ու ընտրողների վրա ճնշումների հետ»,- հայտնել են Համագումարի համանախագահներ Անտոնի Բարսամյանն ու Վան Կրիկորյանը։
Նրանք հիշեցնում են, որ ԱՄՆ-ն, ինչպես նաեւ ԵՄ-ն Հայաստանին միջոցներ են տրամադրել ընտրական գործընթացի նկատմամբ վստահության բարձրացման ու խորհրդարանական ընտրությունների ժամանակ խարդախությունների կանխման համար։
Այդ միջոցները ուղղվել են սարքավորումներին, որոնք անհրաժեշտ են առցանց ռեժիմով ուղիղ հեռարձակումների ու ձայների հաշվարկի համար, նաեւ ընտրողների անձի ու Հայաստանի Ընտրական օրենսգրքում մյուս փոփոխությունների էլեկտրոնային ստուգման համար։
Համագումարը համառորեն կոչ է անում ԱՄՆ կառավարությանը աջակցել այդ նախաձեռնությունը, հաշվի առնելով դրա կարեւորությունը՝ Հայաստանում ժողովրդավարական գործընթացի ամրապնդման համար։ Միաժամանակ Համագումարի համանախագահները հայտնել են․ «Համագումարը երախտագիտություն է հայտնում ԱՄՆ-ին ու ԵՄ-ին՝ Հայաստանում օրենքի գերակայության ամրապնդման նպատակով այդ նախաձեռնության առաջ մղման համար ֆինանսական աջակցություն տրամադրելու համար։ Մենք չենք սատարում կուսակցություններից որեւէ մեկին՝ ոչ ամերիկյան, ոչ էլ հայկական համատեքստում, բայց ժողովրդավարական գործընթացի նկատմամբ վստահության ամրապնդմանն ուղղված նմանատիպ աջակցությունը մեր բոլորի բարօրության համար է»,- ասվում է հայտարարության մեջ։
