Ապրիլի 2-ին Հայաստանում ոչ լեգիտիմ խորհրդարան ընտրվեց: Ապրիլի 5-ին լրագրողների հետ հանդիպման ժամանակ այս մասին հայտարարեց «Օհանյան-Րաֆֆի-Օսկանյան» նախընտրական դաշինքի ղեկավարներից, «Ժառանգություն» կուսակցության փոխնախագահ Արմեն Մարտիրոսյանը:
Նրա խոսքով՝ ամեն դեպքում, իրենք շարունակելու են իրենց գործունեությունը: «Հիմա մենք ոչ լեգիտիմ իշխանություն ունենք, որը չի կարող ո՛չ պետության շահերը պաշտպանել, ո՛չ Ղարաբաղի հարցում առաջընթաց ապահովել, ո՛չ էլ տնտեսական բարեփոխումներ իրականացնել»,- նշեց Մարտիրոսյանը:
Ըստ նրա՝ հիմնական քաղաքական գործընթացները նոր խորհրդարանից դուրս են մնացել: «Հիմա մենք վերակազմավորման նոր փուլ ենք սկսել, եւ դաշինքում ընդգրկված ուժերի միջեւ համագործակցությունը, անկասկած, կշարունակվի»,- հավելեց Արմեն Մարտիրոսյանը:
Հիշեցնենք, որ խորհրդարանական ընտրություններում «Օհանյան-Րաֆֆի-Օսկանյան» դաշինքը տապալվեց՝ ստանալով շուրջ 2% ձայն:
