Հայաստանի քաղաքական ուժերը հնարավորություն ունեին ստուգել ընտրացուցակները, բայց քչերն են նեղություն կրել դա անել: 2017 թվականի ապրիլի 2-ի խորհրդարանական ընտրությունների հետ կապված «Օհանյան-Րաֆֆի-Օսկանյան» դաշինքի դիմումի քննարկման ժամանակ այս մասին հայտարարեց ՀՀ Կենտրոնական ընտրական հանձնաժողովի նախագահ Տիգրան Մուկուչյանը:
Դաշինքի ներկայացուցիչ Անդրանիկ Գրիգորյանը հայտարարեց ընտրացուցակների հետ կապված կասկածների մասին: Վիճակագրական ծառայության տվյալներով՝ երկրից անընդհատ մարդիկ են հեռանում, բայց այս ընտրություններում ընտրողների թիվն ավելին էր, քան 2013 թվականի նախագահական ընտրություններում (այն ժամանակ՝ 2 մլն 505 հազար 882, հիմա՝ 2 մլն 587 հազար 706): Դա ՕՐՕ-ի մոտ կասկած է հարուցում: «Մենք մեղադրանք չենք ներկայացնում բայց մտահոգված ենք»,- հայտարարեց դաշինքի ներկայացուցիչը:
Ի պատասխան՝ Մուկուչյանը նկատեց, որ Հայաստանի օրենսդրության փոփոխություններով, քաղաքական ուժերը կարող էին ստուգել ե՛ւ ընտրացուցակները, ե՛ւ ընտրողների գրանցման էլեկտրոնային համակարգի աշխատանքը:
«Թեկնածու-ուժերի համար այդ ծրագրային ապահովման կոդերը բաց էին: Բայց 9 ուժերից դրանց ծանոթանալու ցանկություն է հայտնել միայն 3-ը: Ստիպված եմ նշել, որ Ձեր ուժը դրանց մեջ չէ: Դուք փաստեր չեք ներկայացնում, միայն մտահոգություն: Ինչո՞վ կամրագրեք այն»,- հայտարարեց Մուկուչյանը:
Հիշեցնենք, որ ընտրությունների արդյունքում «Օհանյան-Րաֆֆի-Օսկանյան» դաշինքը շուրջ 2% է ձայն է հավաքել՝ չհաղթահարելով 7%-ի շեմը:
