«Սասնա ծռեր» խմբի 15 անդամի մասով այսօր՝ ապրիլի 12-ին, քրեական գործի նախաքննությունն ավարատվել է: Այս մասին NEWS.am-ին հայտնեց փաստաբան Արայիկ Պապիկյանը: Նա խոսքով, գործի նյութերը բաղկացած են 42 հատորից:
«42 հատորանոց գործ ստացանք, այն նախկին մասն էլ, որն ավելի վաղ ավարտվել էր 14 անդամի մասով 69 հատորից էր բաղկացած: Ծանոթանալու համար 2 ամիս ժամանակ խնդրեցի, որովհետեւ ծավալը շատ մեծ է»,-ասաց նա:
Հիշեցնենք, որ 2016 թ. հուլիսի 17-ի առավոտյան «Սասնա ծռեր» խմբի շուրջ երեք տասնյակ անդամները Էրեբունիում գրոհով վերցրել էին ՊՊԾ գունդը եւ պատանդ վերցրել ոստիկանության սահմանափակ թվով ծառայողների: ՊՊԾ գնդի երկշաբաթյա գրավումից հետո «Սասնա ծռեր» խմբի անդամները հանձնվել են, որից հետո՝ կալանավորվել: