Ապրիլի 19-ի լույս 20-ի գիշերը Երկրի մոտով կանցնի մեկ կիլոմետրանոց 2014 JO25 վտանգավոր աստերոիդը, որը մեր մոլորակից վերջին 400 տարվա ամենամոտ հեռավորության վրա է գտնվում, հայտնում է Slooh–ը։

«Աստերոիդի մոտեցումը Երկրին վտանգավոր չի լինի մեր մոլորակի համար, քանի որ այն կանցնի անվտանգ հեռավորության վրա։ Այդ աստերոիդի չափերը, հեռավորությունն ու շարժման արագությունը հերթական անգամ մեզ հիշեցնում են այն մասին, թե ինչ ավերածություններ կարող են պատճառել տիեզերական աղբի բեկորները, որոնք ամեն օր անցնում են Երկրի մոտով»,- նշված է առցանց աստղադիտարանի հաղորդագրության մեջ։

Տվյալ երկնային մարմինը հայտնաբերվել է 2014-ին, տարբեր գնահատականներով դրա տրամագիծը կարող է կազմել 640 մետրից մինչեւ 1․5 կմ։ Ապրիլի 19-ի գիշերը այն կանցնի մեր մոլորակից 1․77 մլն կմ հեռավորության վրա։

Աստղագետները նշում են, որ այն շարժվելու է ռեկորդային բարձր արագությամբ՝ վայրկյանում 33 մետր։ Երկրին մոտենալու պահին 2014 JO25 աստերոիդը իր փայլուն մակերեսի շնորհիվ լավ տեսանելի կլինի Երկրից՝ նույնիսկ փոքր հեռադիտակներով։