Լատվիայում սկսվել  են ՆԱՏՕ-ի Summer Shield ամենամյա զորավարժությունները։ Լեհաստանի ռադիոն հայտնել է, որ զորավարժություններին մասնակցում է ավելի քան 1200 զինծառայող Լատվիայից, Լիտվայից, Էստոնիայից, ԱՄՆ-ից, Կանադայից, Մեծ Բրիտանիայից, Լյուքսեմբուրգից, Բուլղարիայից, Ռումինիայից, Սլովակիայից, Գերմանիայից ու Շվեդիայից։

Զորավարժությունների սցենարը նախատեսում է մասնավորապես օդային պաշտպանություն ու հետախուզություն, դիմակայություն զանգվածային խոցման զենքին ու հակատանկային պաշտպանություն։

Հիշեցնենք, որ Վարշավայում 2016-ի հուլիսին կայացած ՆԱՏՕ-ի գագաթնաժողովին որոշվել է ամրապնդել դաշինքի արեւելյան ճյուղը՝ Լեհաստանի, Լիտվայի, Լատվիայի, Էսոտանիայի տարածքում ՆԱՏՕ-ի գումարտակային խմբեր տեղակայելու ճանապարհով։