Թուրքիայում նախագահ Ռեջեփ Թայիփ Էրդողանի գլխավորած իշխող «Արդարություն եւ զարգացում» կուսակցությունը, պատկերավոր ասած, իր առագաստն ուղղում է դեպի ալեկոծ ծով։ Նման կարծիք է հայտնել «Ակոս» թերթի հայկական բաժնի խմբագիր Բագրատ Էստուկյանը՝ Հայաստան-Թուրքիա հեռուստակամուրջի ընթացքում։
Նրա խոսքով՝ ավելին, եթե Թուրքիայում հետագա եվրաինտեգրման վերաբերյալ հանրաքվե անցկացվի, հասարակությունը «ոչ» կասի՝ իշխանությունների վարած քաղաքականության պատճառով։
Դրա հետ մեկտեղ Էստուկյանը հիշեցրել է, որ թուրքական տնտեսությունը կապված է ԵՄ-ի հետ։ «Այժմ այդ համակարգը վտանգի մեջ է, ներդրողներն առավել զգուշավոր են դարձել, ներդրումների հոսքը մարել է, իսկ զբոսաշրջությունն ամենալավ ժամանակներում չէ։ Առավել եւս, որ հանրաքվեի արդյունքում Էրդողանի իշխանությունը կրկնապատկվել է»,-նշել է Էստուկյանը։
