Ոստիկանները հայտնաբերել են Սթիվ Սթիվենսին, որին որոնում էին Օհայո նահանգի Քլիվլենդ քաղաքում մարդ սպանելու համար։ Նրան նկատել են Էրի օկրուգում, Փենսիլվանիայում։ Կարճատեւ հետապնդումից հետո Սթիվենսը ինքնասպան է եղել, հայտնում է Meduza–ն։
Ապրիլի 16-ին Սթիվ Սթիվենսը Քլիվլենդում սպանել էր մի տարեց տղամարդու եւ սպանության տեսագրությունը հրապարակել սոցցանցում։ Հետո նա ուղիղ հեռարձակում էր կազմակերպել ու պատմել, որ սպանության է դիմել իր նախկին ընկերուհու պատճառով, որին ուզում էր ապացուցել, որ շատ բանի է ընդունակ։ Բացի դրանից Սթիվ Սթիվենսը վստահեցնում էր, որ եւս 13 մարդու է սպանել, բայց ոստիկանությունը դեռ չի գտել նրանց մարմինները։
Սթիվ Սթիվենսին գտնելու հարցում ցուցաբերված օգնության համար ոստիկանությունը 50 հազար դոլար պարգեւատրություն էր խոստացել։ Բայց հայտնի չէ, արդյոք որեւէ մեկը կստանա այդ պարգեւատրությունը։