«Իսլամական պետություն» ահաբեկչական խմբավորման զինյալներն Իրաքի ռազմաբազաներից մեկի տարածքում տեղակայված ԱՄՆ-ի եւ Ավստրալիայի ռազմական հրահանգիչների դեմ իպրիտ (մանանեխի գազ) են կիրառել: Այս մասին գրում է ՏԱՍՍ-ը՝ վկայակոչելով CBS-ը:
Հեռուստաալիքի տվյալներով՝ դեպքը տեղի է ունեցել կիրակի: Բուժօգնության կարիք է ունեցել 25 իրաքցի, իսկ հրահանգիչներից ոչ մեկը չի տուժել: Միջադեպի հետաքննություն է սկսվել:
Սա վերջին մի քանի օրվա ընթացքում ԻՊ-ի կողմից քիմիական հարձակման երկրորդ դեպքն է: Մինչ այդ իրաքցի սպան հաղորդել էր, որ զինյալները քլորով արկեր են արձակել Մոսուլի արեւմտյան հատվածի ուղղությամբ:
