«ԵԼՔ» դաշինքի առաջնորդներն այսօր՝ ապրիլի 19-ին, հանդիպել են ՀՀ-ում Եվրամիության պատվիրակության ղեկավար, Արտակարգ եւ լիազոր դեսպան Պյոտր Սվիտալսկիին:
Դաշինքի մամուլի ծառայությունից հայտնում են, որ Էդմոն Մարուքյանին, Արամ Սարգսյանին եւ Նիկոլ Փաշինյանին դեսպանը շնորհավորել է խորհրդարանական ընտրություններում արդյունավետ, հետեւողական աշխատանքի եւ գրանցած հաջողությունների համար։
Հանդիպման ընթացքում ԵԼՔ դաշինքի առաջնորդները ներկայացրել են իրենց կարծիքը եւ գնահատականները նախորդ ընտրությունների վերաբերյալ եւ քննարկել առաջիկա՝ Երեւանի ավագանու ընտրությունների նախապատրաստական մի շարք հարցեր։