Հնդկաստանի փոխնախագահ Համիդ Անսարին այցով կժամանի Հայաստան:
Ապրիլի 24-ից 26-ը տեղի ունենալիք այցի ընթացքում փոխնախագահին կուղեկցեն նրա կինը՝ Սալմա Անսարին, միջին եւ միկրոձեռնարկությունների նախարար Հիրիռաջ Սինգհը, պատգամավորներ, նաեւ բարձրաստիճան պաշտոնյաներ եւ լրատվամիջոցների ներկայացուցիչներ: Այս մասին հայտնում է հնդկական Press Trust of India գործակալությունը:
Անսարին բանակցություններ կվարի նախագահի, վարչապետի եւ ԱԳ նախարարի հետ:
«Այցի նպատակը երկու երկրների բարեկամական հարաբերությունների հետագա խորացումն է, փոխադարձ հետաքրքրություն ներկայացնող հարցերի լայն շրջանակում համագործակցության եւ գործընկերության հետագա զարգացման հարցերը»,- լրագրողներին ասել է ԱԳՆ ներկայացուցիչ Փրեթի Սարանը:
Անսարին կհանդիպի նաեւ Երեւանի պետական համալարանի ուսանողների եւ դասախոսների հետ: «Մենք նշում ենք Հայաստանի հետ դիվանագիտական հարաբերությունների հաստատման 25-ամյակը, եւ համանման բարձրաստիճան այցերը կնպաստեն երկրների հետագա հաաբերություններին»,- նշել է Սարանը: