Շոտլանդական լիբերալ- դեմոկրատական կուսակցության առաջնորդ Ուիլյամ Ռեննին լուսանկարվել է ոչխարի հետ, հայտնում է Daily Mirror -ը։
Քաղաքական գործիչը շրջագայում է Շոտլանդիայում ու հանդիպում ընտրողների հետ տեղական ընտրություններից առաջ, որոնք մայիսի 4-ին են ծրագրված։Ֆերմա կատարած այցելության ժամանակ նա կատակով սկսել է պայքարել ոչխարի հետ։
Լուսանկարներից մեկում Ռեննին ոչխարի պոզերից է քաշում։ Մյուս կադրում ոչխարը ետեւի ոտքերին կանգնած գլխով հենվել է քաղքական գործչի կրծքին։ Իսկ վերջին լուսանկարում քաղաքական գործիչը ծիծաղում է տասնյակ ոչխարներից բաղկացած հոտի վրա։