Գյումրիի ռուսական 102-րդ ռազմաբազայի զինծառայող Դմիտրի Յալպաեւի սպանության գործով ձերբակալված կա։
ՀՀ գլխավոր դատախազության հանրային կապերի բաժնից NEWS.am–ին հայտնեցին, որ դեպքի առթիվ հարուցվել է քրեական գործ 104-րդ հոդվածի 1-ին մասի հատկանիշներով։ Սպանությունը կատարելու կասկածանքով ձերբակալվել է մեկ անձ։ Կատարվում է նախաքննություն դեպքի մանրամասները պարզելու համար։
Ավելի վաղ հայտնել էինք, որ ապրիլի 22-ին Գյումրիի Բուլվարային փողոցի մոտ գտնվող Արգո խանութի մոտ հայտնաբերվել է ռուսական 102-րդ ռազմաբազայի զինծառայող 1996թ․ ծնված Դմիտրի Յալպաև Սերգեյի դին պարանոցի շրջանում սուր կտրող ծակող գործիքից ստացած վնասվածքով։ Սպանության հետ առնչության կասկածանքով ոստիկանության բաժին բերման է ենթարկվել 20-ամյա Ջ. Ա.-ն: