Ընդդիմախոսները, որ  փորձում են քննադատել, պետք է նայեն, որ 5-6 տարի առաջ Երեւանում մանկապարտեզ էր հաճախում ընդամենը 15 հազար երեխա, իսկ այսօր՝ 30 հազար, երբ անվճար են դարձել մանկապարտեզները։ Այս մասին այսօր ապրիլի 22–ին, NEWS.am–ի հետ զրույցում նշել է Երեւանի քաղաքապետ Տարոն Մարգարյանն՝ անդրադառնալով այն մեղադրանքներին, որ Երեւանի մանկապարտեզներում  տեղ չկա եւ հազարավոր երեխաներ տարիներով սպասում են իրենց հերթին։

«Եկեք չմոռանանք, որ այդ թիվը 15 հազարով ավելացել է։ Բնականաբար, կուտակվել են հերթեր՝ 2–2,5 հազար երեխա, մենք քայլեր ենք ձեռնարկում կարճ ժամանակում այս խնդիրը լուծելու համար։ Որ քննադատում են՝ այդ  երկու հազար երեխան չեն կարողանում գնալ մանկապարտեզ, թող հիշեն, որ ընդամենը  6 տարի առաջ 15 հազար երեխա էր գնում»,-ասաց նա:

Հարցին, թե ինչն էր խոչընդոտում, որ  լուծվեր նաեւ այդ երկու հազար երեխայի հարցը, Տարոն Մարգարյանը պատասխանեց. «Ժամանակ էր անհրաժեշտ այդ ամենը հասկանալու համար»։