Ապրիլի 23-ի առավոտյան Զելենոգրադի սրճարանում հայաստանցին վեճի ընթացքում կրակել է իր ընդդիմախոսի վրա։

Ռոսգվարդիայի մամուլի ծառայությունից հայտնել են, որ Զելենոգրադում Ռոսգվարդիայի աշխատակիցները ձերբակալել են մի տղամարդու, որը վիրավորել էր սրճարանի այցելուին։

Դեպքը տեղի էր ունեցել այսօր առավոտյան ժամը 6-ին տեղի ժամանցային հաստատություններից մեկում։

Դեպքի վայր են անհապաղ ժամանել Ռոսգվարդիայի Մոսկվայի գլխավոր վարչության արտագերատեսչական պահակազորի անձնակազմը։

Նախօրեին սրճարանի երկու այցելուների միջեւ անձնական հարաբերությունների պատճառով վեճ էր բռնկվել, որի ընթացքում ծնունդով Հայաստանից 27-ամյա տղամարդը ատրճանակից երկու անգամ կրակել է Զելենոգրադի 32-ամյա բնակչի վրա։ Դրա հետեւանքով տղամարդը կրծքի մասում վիրավորում է ստացել։

Ռոսգվարդիայի աշխատակիցները տուժածին առաջին օգնություն են ցուցաբերել ու դեպքի վայր կանչել բժիշկների բրիգադին։

Դեպքից հետո կասկածյալը թաքնվել է, սակայն մի քանի րոպեից նրան ձերբակալել են արտագերատեսչական պահակազորի աշխատակիցները՝ հանցագործության վարյրից ոչ հեռու։ Զննման ընթացքում նրա մոտ հայտնաբերվել ու առգրավվել է ատրճանակ։

Հետագա հարցաքննության համար կասկածյալին տեղափոխել են ոստիկանության տարածքային բաժին։ Զենքն ուղարկել են փորձաքննության։