ԱՄՆ նախագահ Դոնալդ Թարմփն ապրիլի 24-ի առիթով հայերին ուղղված ելույթում չի արտասանի «ցեղասպանություն» բառը: Այս մասին NEWS.am-ի հետ զրույցում ասաց ՀՅԴ Բյուրոյի անդամ Մարիո Նալբանդյանը: Նա նշեց, որ Դոնալդ Թրամփն աչքի է ընկնում իր թուրքամետ մոտեցումներով եւ այսքանից հետո նրանից չի կարելի ակնկալել իր ելույթում «ցեղասպանություն» բառի օգտագործում:
«Չեմ կարծում, որ Դոնալդ Թրամփն իր ելույթում «ցեղասպանություն» բառը կհնչեցնի: Ինձ համար նույնիսկ տարօրինակ է Թրամփի անմիջական զորակցությունն Էրդողանին, աջակցությունը նրա հանրաքվեին: Նրա թուրքական լոբբինգի եւ թուրքական մոտեցմամբ չեմ կարծում, որ կարող ենք ակնկալիքներ ունենալ, որ իր ելույթում կարտաբերի «ցեղասպանություն» բառը»,-ասաց նա:
