Կահիրեի քրեական դատարանը մահապատժի է դատապարտել երկրի նախկին նախագահ Մուհամեդ Մուրսիի 20 կողմնակիցներին 2013-ին ոստւկանների սպանության համար, հայտնում է ՌԻԱ Նովոստին։
Դատավճիռը, ինչպես Եգիպտոսում մահապատժի մասին բոլոր վճիռները, ուղարկվել է երկրի գերագույն մուֆտիի հաստատմանը։
2013-ին Կահիրեում ուժայինները կոշտ մեթոդներով ցրել էին իսլամիստների բողոքի ցույցները, որոնք պահանջում էին գահընկեց նախագահ Մուհամեդ Մուրսիի վերադարձը իշխանության։ Արմատականները, արձագանքելով ուժայինների կոշտ միջոցառումներին, հարձակվել էին ոստիկանական բաժանմունքի վրա, բախումների հետեւանքով 11 ոստիկան էր զոհվել։
Այդ գործով 183 մարդ է դատվում։ Կահիրեի քրեական դատարանը արդեն նրանց նկատմամբ մահապատիժ էր սահմանել 2014-ին, սակայն վճիռը բողոքարկվել էր ։ Մնացած մեղադրյալների մասին դատավճիռը կկայացվի հուլիսի 2-ին։
