ԱՄՆ սենատոր Բոբ Մենենդեսը Սենատի քննարկմանը բանաձեւ է ներկայացրել, որում նշված է, որ Միացյալ Նահանգների արտաքին քաղաքականությունն արտացոլում է համապատասխան ընկալումը եւ զգայունությունը մարդու իրավունքների, մարդկության դեմ հանցագործությունների, էթնիկ զտումների եւ Հայոց ցեղասպանության խնդիրների նկատմամբ: Բանաձեւին աջակցել են սենատորներ Թեդ Քրուզը, Էդ Մարկին եւ Թոմ Յուդալը:
«Այսօր՝ հայերի հիշատակի օրը, 102 տարի անց այն իրադարձություններից, երբ Օսմանյան Թուրքիայում այս ողբերգությունը տեղի ունեցավ, մենք պետք է իրերն իրենց անուններով կոչենք, այսինքն՝ Ցեղասպանություն: Ես կարծում եմ, որ սա անելու մեր երկրարատեւ հրաժարումը ժամանակակից աշխարհում խրախուսում է վայրագությունը: Ես դիմում եմ Սենատի իմ գործընկերներին խնդրանքվ՝ ուղղել այս խայտառակ սխալը»,- ասել է սենատոր Մենենդեսը:
«Բանաձեւը ամենավճռական կերպով հաստատում է, որ մենք մշտապես կհարգենք հայ անմեղ տղամարդկանց, կանանց եւ երեխաների հիշատակը, որոնք սպանվել են կամ իրենց հայրենիքից արտաքսվել, եւ այս ողբերգությունը մշտապես կհիշենք որպես դաս, որ մշտապես միասին դիմակայենք մարդկության դեմ բոլոր հանցագործություններին»,- հավելել է նա:
Ամերիկայի Հայ դատի գրասենյակի գործադիր տնօրեն Արամ Համբարյանը սենատոր Մենենդեսին եւ նրա գործընկերներին շնորհակալություն է հայտնել բանաձեւի համար, որն ԱՄՆ-ին կոչ է անում վերջ դնել Թուրքիայի ժխտողական գործողություններին: