Ոստիկանության աշխատակիցներն օրերս կասեցրել են տարադրամի ապօրինի առքուվաճառքի գործունեությունը:
Ըստ ոստիկանության տարածած հաղորդագրության՝ ապրիլի 19-ին առանց համապատասխան լիցենզիայի առքուվաճառքով զբաղվելու կասկածանքով բերման է ենթարկվել Էջմիածնի բնակիչ Ռուբեն Տոնականյանը: Նա խոստովանել է, որ 5 ամիսների ընթացքում կատարել է 900 հազար ԱՄՆ դոլարի արտարժույթի ապօրինի փոխանակման գործարքներ եւ ստացել շուրջ 750 հազար դրամ եկամուտ:
Դեպքի առթիվ հարուցվել է քրեական գործ:
Մանրամասները՝ ոստիկանության պատրաստած տեսանյութում:
