Մենք պարզել ենք, որ Սահմանադրական դատարան ներկայացված «Կոնգրես-ՀԺԿ» դաշինքի ներկայացուցիչների լիազորագրի ներքո նույնիսկ չկա Հայաստանի ժողովրդական կուսակցության առաջնորդ Ստեփան Դեմիրճյանի ստորագրությունը։ Այս մասին ապրիլի 28-ին իր եզրափակիչ խոսքում ասել է ՀՀ Կենտրոնական ընտրական հանձնաժողովի նախագահ Տիգրան Մուկուչյանը՝ Սահմանադրական դատարանում «Կոնգրես-ՀԺԿ» հայցի քննարկման ընթացքում, որը պահանջում է չեղարկել ապրիլի 2-ին տեղի ունեցած խորհրդարանական ընտրությունները։
Նրա խոսքով՝ այդ փաստաթղթի ներքո անհասականալի մարդու ստորագրութուն է դրված։ «Այո, հավանաբար, դա պետք էր ժամանակին հայտնաբերել եւ հնարավոր է, այս հարցն առհասարակ քննարկման առարկա չդառնար, քանի որ այդ փաստաթուղթը չէր կարող պահանջներին բավարարվող համարվել։ Տպավորություն է ստեղծվում, որ ամեն ինչ ինչպես Հին Ռուսաստանում է՝ ով առավոտյան վաղ է արթնանում, այդ օրը դառնում է ղեկավար ու գլխավոր»,-ընդգծել է Տիգրան Մուկուչյանը՝ դատարանին խնդրելով մերժել «Կոնգրես-ՀԺԿ» դաշինքի հայցը։
