Քալիֆորնիայի Սենատի տրանսպորտի կոմիտեն միաձայն աջակցել է սենատոր Էնթոնի Փորթանթինոյի օրինագծին, որով թույլ կտրվի Փասադենայում Հայոց ցեղասպանության զոհերի հուշակոթողի ուղեցույց տեղադրել, հայտնում է Asbarez-ը:
«Ընդամենը մի քանի օր առաջ մենք Հայոց ցեղասպանության զոհերի հիշատակին նվիրված հուշակոթողի մոտ նշեցինք Հայոց ցեղասպանության 102-րդ տարելիցը: Հուշակոթողի մոտ համայնքի հարյուրավոր ներկայացուցիչներ էին հավաքվել՝ հարգանքի տուրք մատուցելու զոհերի հիշատակին եւ հիշելու 20-րդ դարի առաջին ցեղասպանությունից քաղած դասերը»,- մեկնաբանել է Փորթանթինոն:
Նա նշել է, որ հպարտ է իր օրինագծի համար, որը հնարավորություն կընձեռի ուղեցույց տեղադրել, որը կօգնի մեծացնել Հայոց ցեղասպանության իրազեկվածությունը եւ կհիշեցնի, որ ընդդեմ մարդկության հանցագործությունների դեմ պայքարը անընդհատ գործընթաց է, որը մշտական ուշադրություն է պահանջում:
Փասադենայում Հայոց ցեղասպանության հուշակոթողը բացվել է 2015-ի ապրիլին: