Հռոմի պապ Ֆրանցիսկոսը պաշտոնական այցով Եգիպտոս է մեկնել, որի նպատակն է իսլամական կրոնական առաջնորդների հետ երկխոսություն սկսելը եւ տեղի քրիստոնյաների աջակցություն հայտնելը, հաղորդում է Newsru-ն։

Այցի ընթացքում քահանայապետը կհանդիպի Եգիպտոսի նախագահ Աբդել Ֆաթահ աս-Սիսիի, Էլ Ազհար մզկիթի իմամ, շեյխ Ահմեդ էլ-Թայիբի, ղպտիների ուղղափառ եկեղեցու առաջնորդ Թավադրոսի հետ, ինչպես նաեւ հանդես կգա Խաղաղության միջազգային համաժողովին։