Սաուդյան Արաբիայում հյուրանոցի մուտքո մոտ անհայտ անձանց կողմից մահակներով հարձակման են ենթարկվել Թուրքիայի «Ֆաթիհ մեդրեսելեր» իսլամական դպրոցների անդամները։
Թուրքական Cumhuriyet–ի փոխանցմամբ՝ Ստամբուլ վերադառնալուց հետո «Ֆաթիհ մեդրեսելերի» նախագահ Մասում Բայրաքթարը պատմել է իրենց խմբի անդամների դեմ իրականացված հարձակման մանրամասները։
«Ապրիլի 25–ի երեկոյան խմբով վերադառնում էինք հյուրանոց։ Այդ ժամանակ արդեն պատրաստ 150 մահակներով մեզ էին սպասում, որոնցից մի քանիսը սկսեցին վիրավորել մեզ։ Երբ մոտեցանք վերելակներին, բոլորով հարձակվեցին մեր վրա։ Մեր խմբի անդամներից շատերի մոտ կոտրվածքներ կան։
Սա առաջին դեպքը չի, 2013–ին էլ մեզ մզկիթի մուտքի մոտ էին ծեծել, իսկ 2014–ին Մեդինայի մզկիթներից մեկում խիստ սպառնալիքներ էին հնչեցրել»,–ասել է Մասում Բայրաքթարը։