Մեքսիկայի հյուսիսային Չիուաուա նահանգում զինվորականների հետ բախման ժամանակ 7 հանցագործ է սպանվել: Այս մասին գրում է ՌԻԱ Նովոստին:

Իշխանությունների տվյալներով՝ Լա Գրուլյա բնակավայրում բանդիտներն առաջինն են հարձակվել զինվորների վրա՝ կրակ բացելով նրանց ավտոմեքենայի ուղղությամբ: Պատասխան կրակի ժամանակ 7 հարձակվողներ սպանվել են:

ԱՄՆ-ի հետ սահմանակից Չիուաուա նահանգը համարվում է ամենաանհանգիստը նարկոկարտելների ակտիվության առումով, որոնք պայքարում են Միացյալ Նահանգներ թմրանյութերի մատակարարումը վերհսկելու համար: