Ռուսաստանի վարչապետ Դմիտրի Մեդվեդեւը չորս գերատեսչությունների հանձնարարել է մշակել բարիերային հակաբեղմնավորիչների գները նվազեցնելու մեխանիզմներ։ Դա է հետեւում Ռուսաստանում ՄԻԱՎ վարակի տարածման դեմ պայքարի պետական ռազմավարության իրականացման միջոցառումների ծրագրից, որը ապրիլի 20-ին է ստորագրել վարչապետը, հայտնում է «Աֆիշա- Daily»-ն։
Վարչապետի հրամանագիրը պետք է իրականացվի մինչեւ 2017-ի երրորդ եռամսյակ, իսկ դրա մշակումով կզբաղվեն Դաշնային հակամենաշնորհային ծառայությունը, Արդյունաբերության ու առեւտրի նախարարությունը, Առողջապահության ոլորտում հսկողության դաշնային ծառայությունն ու Առողջապահության նախարարությունը։