Ինքնաբացարկ հայտնած պատգամավորներից մի քանիսը դիմել է ԿԸՀ՝ հետ վերցնելու դիմումը. Մուկուչյան

Կենտրոնական ընտրական հանձնաժողով պատգամավորական մանդատից հրաժարվելու վերաբերյալ մայիսի 2-ին դիմումներ ներկայացրածներից մի քանիսն այսօր՝ մայիսի 3-ին, հետ են վերցրել իրենց դիմումները: Այս մասին NEWS.am-ին ասաց Կենտրոնական ընտրական հանձնաժողովի նախագահ Տիգրան Մուկուչյանը:

Ըստ օրենսդրության, ինքնաբացարկ ներկայացրածները կարող են մինչեւ արձանագրության կազմումը՝ այսօր ժամը 15:00-ը, դիմել ԿԸՀ եւ հետ վերցնել իրենց դիմումները:

«Մի քանի դիմում եղել է՝ առանց նոտարական վավերացման, սպասվում է, որ կգան նիստին»,- ասաց Տիգրան Մուկուչյանը:

Թե ովքեր են հետ վերցրել դիմումները, այս պահին հայտնի չէ: Նշենք, որ քանի որ ինքնաբացարկի դիմումները հետ վերցնելու մասին դիմումները առանց վավերացման են, ապա դիմումատուները պետք է ներկայանան ԿԸՀ նիստին եւ հաստատեն, որ իրենք հետ են վերցնում ինքնաբացարկի դիմումները:

Հիշեցնենք, որ Հայաստանի Կենտրոնական ընտրական հանձնաժողովը հրապարակել է պատգամավորական մանդատներից հրաժարված անձանց ցանկը: Նրանցից երկուսը՝ «Ծառուկյան» դաշինքից Նապոլեոն Ազիզյանը եւ Խաչիկ Մանուկյանը, հերքել են, որ մանդատից հրաժարվելու դիմում են ներկայացրել:

ՀՀԿ-9 հրաժարական

Սարգսյան Վիգեն Ալեքսանդրի

Մարգարյան Տարոն Անդրանիկի

Ամիրյան Արմեն Արտավազդի

Զաքարյան Արտակ Բորիսի

Սահակյան Արման Գալուստի

Բոթոյան Կարեն Հովսեփի

Սանամյան Սամվել Կարոյի

Առուշանյան Առուշ Գագիկի

Հակոբյան Վահե Ալբերտի

«Ծառուկյան» դաշինք- 23 հրաժարական

Զուրաբյան Արարատ Անուշավանի