Թուրքիայի դատախազությունը դատարանին խնդրել է 3623 ցմահ ազատազրկման ու եւս 2923 տարվա բանտարկության դատապարտել իսլամական հոգեւոր առաջնորդ Ֆեթուլահ Գյուլենին, որին մեղադրում են պետական հեղաշրջման փորձ կազմակերպելու մեջ։

Քննության վարկածով, հենց Գյուլենն է կանգնած եղել 2016-ի հուլիսին Թուրքիայում հեղաշրջման փորձի կազմակերպման ետեւում։ ԱՄՆ-ում բնակվող Գյուլենի նկատմամբ նաեւ 2․2 մլն օրվա վարչական կալանք է սահմանվել։ Գյուլենը հիմնական կասկածյալն է հեղաշրջման փորձի կազմակերպման փաստով հարուցված քրեական գործերի մեծ մասով։