Մայիսի 11-ին՝ կառավարությունը հավանություն տվեց իրազեկիչների (whistleblower) պաշտպանության մասին օրինագծին:
«Իրազեկման համակարգի մասին» օրինագծում եւ կից օրինագծերի փաթեթում նշված է Արեւմուտքում ընդունված իրազեկիչի սահմանումը՝ քաղաքացին, որը հանուն հասարակական բարօրության հաղորդում է կոռուպցիայի կամ հասարակական շահերին հասցված այլ վնասի մասին: Առաջարկվում է, ոչ միայն պահպանել իրազեկիչի անունը չհրապարակելը, այլեւ ստեղծել էլեկտրոնային հարթակ, որտեղ նրանք կարող են անանուն հայտարարություններ տեղադրել: Ավելին՝ քրեական հետապնդման ենթակա կլինեն իրազեկիչների վրա հարձակումները, նաեւ նրանց անձնական տվյալների ապօրինի հրապարակումը՝ նրանց կյանքը պահպանելու նպատակով:
Օրենսդրության մեջ բարեփոխումներն առաջարկվում են ի կատարումն ՄԱԿ-ի ընդդեմ կոռուպցիայի կոնվենցիայի եւ Տնտեսական համագործակցության ու զարգացման կազմակերպության փաստաթղթերի:
