Paramount Pictures ստուդիայի նախկին նախագահ ու գլխավոր տնօրեն Բրեդ Գրեյը մահացել է պաշտոնը լքելուց երեք ամիս անց, գրում է Entertainment Weekly-ն։ Նա մահացել է իր տանը, Քալիֆորնիայում, 59 տարեկանում։ Մահվան պատճառը քաղցկեղն է եղել։

Գրեյը պատասխանատու էր կոմերցիոն հաջողություն ունեցած ֆիլմերի՝ օրինակ «Տրանսֆորմերների» ու օսկարակիր «Նավթ» ու «Այստեղ ծերունիների տեղը չէ» ֆիլմերի թողարկման համար։

Գրեյը Paramount ստուդիան ղեկավարել է 12 տարի։ Նա նաեւ եղել է Plan B Entertainment ընկերության համահիմնադիրը՝ Բրեդ Փիթի ու Ջենիֆեր Էնիսթոնի հետ միասին։

Գրեյը հեռացել էր Paramount–ից ստուդիայի վերջին ֆինանսական խնդիրների պատճառով։ Որոշ տվյալներով ստուդիան տարեկան մոտ 450 մլն դոլարի կորուստ ուներ։