Bentley-ի հետ համագործակցող Mulliner թյունինգային ընկերությունը ներկայացրել է Bentayga ամենագնացի հատուկ մոդիֆիկացիա, որը նախատեսված է բազեների որսի սիրահարների համար։ Նորույթը ստացել է Falconry անվանումը, հայտնում է Motor-ը։
Նոր մոդիֆիկացիայի առանձնահատկությունն է բեռնախցում նախատեսված երկու սեկցիաները, որոնք երեսապատված են բնական խցանային կտորով ու պարունակում են որսի համար բոլոր անհրաժեշտ սարքավորումները
Այդ բաժիններից մեկում կարելի է գտնել GPS-ալեհավաքներ, գործիքներ ու 9 սանտիմետրանոց ծալովի դանակ՝ փայտյա կոթով։ Արկղի տակ կա կաշվեպատ բաժին, որտեղ գտնվում է GPS-բլոկը՝ թռչուններին հետեւելու համար, հեռադիտակներ, նաեւ որսորդական ձեռնոց։
Երկրորդ արկղի մեջ երեք մետաղական թերմոս է, բաժակներ, ծածկոց ու թաց անձեռոցիկներ։ Բեռնախցի կողքի պատին կա գրպան, որի մեջ թռչունների համար երկու թառ կա։
Սալոնում նույնպես կա թռչունների թառ, ու փայտյա խճանկար՝ սավառնող բազեի պատկերով։ Այդ խճանկարը 430 կտորից է ձեռքով հավաքվել ինը օրում։