Կանադայի Ռիչմոնդ քաղաքում ծովառյուծը կառչել է աղջկա զգեստից եւ նրան ջրի տակ տարել:
Տեղի ունեցածի հոլովակը տեղացի ուսանողը հրապարակել է համացանցում: Հոլովակում կենդանին նախ անշտապ լողում է կողքից, եւ մարդիկ նավամատույցում նրան հացի կտորներ են նետում, փոխանցում է «ՌԻԱ Նովոստի»-ն:
Երբ աղջիկը նստել է նավամատույցի եզրին, գիշատիչը մեկ ցատկով նրան իր հետ ջրի տակ է տարել՝ ականատեսների սարսափահար բղավոցների ներքո: Երեխային օգնելու համար ջուրն է նետվել մի տղամարդ եւ նրան բարեհաջող նավամատույց հանել: Ծովային կաթնասունների փորձագետների կարծիքով՝ կենդանին կարող էր աղջկա սպիտակ զգեստը ձկան հետ շփոթել: