Թեհրանը կշարունակի աջակցել Իրաքին եւ Սիրիային ահաբեկչության դեմ պայքարում։ Այս մասին հայտարարել է Իրանի նախագահ Հասան Ռոհանին, հաղորդում է «ՌԻԱ Նովոստի»-ն։
«Ահաբեկչության դեմ պայքարողները Իրաքի եւ Սիրիայի ժողովուրդներն են, եւ Իրանն իր խորհրդականների միջոցով օգնել է այդ ժողովուրդներին ու կշարունակի օգնել նրանց»,-հայտարարել է Ռոհանին նախագահական ընտրություններում իր հաղթանակից հետո մամուլի ասուլիսի ժամանակ։
Նորընտիր նախագահը կարծում է, որ ԱՄՆ-ի նախագահ Դոնալդ Թրամփի եւ արաբական ու իսլամական երկրների առաջնորդների մասնակցությամ Էր Ռիադի գագաթնաժողովը ահաբեկչության դեմ պայքարի ուժ չունի։
«Սաուդյան Արաբիայում տեղի ունեցած հանդիպումը պատկերված հանդիպում է, եւ այն չունի ու չի ունենա ոչ մի քաղաքական արժեք։ Ահաբեկչության խնդիրը հանդիպումներով, համաժողովներով ու ժողովրդի միջոցները վատնելով չի լուծվում», -ասել է Ռոհանին։
