Երկուշաբթի Պակիստանի հյուսիս արեւմուտքում, Աֆղանստանի հետ սահմանի մերձակայքում կառավարամետ աշխարհազորայինների ավտոմեքենայի մոտ ռումբի պայթյունի հետեւանքով առնվազն հինգ մարդ է զոհվել։ Այս մասին հաղորդում է «Սինխուա»-ն՝ վկայակոչելով տեղի լրատվամիջոցները։
Նրանց տվյալներով՝ զոհվածներն ավտոմեքենայով վերադառնում էին ցեղերի առաջնորդների հետ հանդիպումից։
Ավտոմեքենայում գտնվող բոլոր հինգ մարդիկ տեղում մահացել են։
Տեղի վարչակազմը հայտարարել է, որ հեռակառավարման վահանակով պայթուցիկ սարքի միջոցով հարձակումն իրականացրել են անհայտ գրոհայինները, ովքեր պայթյունից հետո հեռացել են դեպքի վայրից։
Դեռ ոչ մի խմբավորում չի ստանձնել ահաբեկչության պատասխանատվությունը։