Թուրքիայում հացադուլ հայտարարած ուսուցիչներին ձերբակալելուց հետո Ստամբուլում եւ Անկարայում բողոքի ակցիաներ են տեղի ունեցել։
Թուրքական BirGun կայքի փոխանցմամբ՝ արտակարգ դրության քողի տակ իշխանությանը ոչ հաճո ուսուցիչներին աշխատանքից ազատելու դեմ հացադուլ հայտարարած երկու ուսուցիչների ոստիկանները ձերբակալել են։
Հացադուլ հայտարարած ուսուցիչների ձերբակալությանը արագ արձագանքել են հարյուրավոր քաղաքացիներ Ստամբուլում եւ Անկարայում՝ բողոքի ցույցի դուրս գալով։
Ոստիկանությունը բռնությամբ ցրել է ցույցերը եւ ձերբակալել բազմաթիվ մասնակիցների։