Հայաստանում միջին զբոսաշրջիկը 800 դոլար է ծախսում։ Պետության նպատակն է այդ թիվը հասցնել 1000 դոլարի։ Այս մասին հայտարարել է Զբոսաշրջության պետական կոմիտեի նախագահ Զարմինե Զեյթունցյանը։
«Դրա համար պետք է ավելի շատ ծառայություններ առաջարկել, որոնք կհետաքրքրեն հյուրերին։ Էքսկուրսիաներն ու հյուրանոցների թիվը պետք է ավելանան մարզերում։ Այդ դեպքում զբոսաշրջիկներին կկարողանանք ավելի երկար այստեղ պահել։ Նրանք մարզեր կմեկնեն ոչ թե առավոտից երեկո՝ գիշերելով Երեւանում, այլ մի քանի օրով»,- ասել է Զեյթունցյանը։