Ֆիլիպինների հարավում ՝ Մինդանաո կղզում, շարունակվում են բախումները ռազմական ոստիկանության ու հակակառավարական խմբավորումների զինյալների միջեւ։ Հաստատվել է «Մաուտե» խմբավորման 13 անդամների ոչնչացման մասին տեղեկությունը, զոհվել են նաեւ 7 իրավապահներ, եւս 33 մարդ վիրավորվել է, հայտնում է «Սինհուան»։

Տեղի լրատվամիջոցների տեղեկություններով, հակակառավարական խմբավորումների անդամները պատանդառել են առնվազն հինգ մարդու։ Մարավի քաղաքի հազարավոր խաղաղ բնակիչներ լքել են իրենց տները, նրանցից 800-ին տեղավորել են տարհանման կենտրոններում, մնացածը թաքնվում են արվարձաններում։

Ֆիլիպինների նախագահ Ռոդրիգո Դուտերտեն ընդհատել է Ռուսաստան իր այցելությունը ու վերադարձել Մանիլա։ Նա ռազմական դրություն է հայտարարել Մինդանաո կղզում, նաեւ երկրի այլ հարավային շրջաններում։ Հնարավոր է, որ ռազմական դրություն կհայտարարվի ամբողջ երկրում։